澳門

SG2E 趙泳芝 6號

澳門係座落廣東珠江口以西嘅一埠，係中華人民共和國兩個特別行政區之一，分三部份：連接中國大陸澳門半島、珠江口南中國海上嘅氹仔島同路環島（實際上呢兩個島已連成一個島）。北面同廣東省珠海市拱北連接；西面隔海望住珠海嘅灣仔同橫琴。
澳門半島同氹仔島有三條大橋駁埋，分別係1974年10月開嘅嘉樂庇總督大橋，（俗稱澳氹大橋或舊大橋），由2005年4月8號起暫時封閉半年，進行維修工程，而家淨係畀返公共交通工具用）、1994年3月開嘅友誼大橋同埋2005年1月9號開嘅西灣大橋（亦係澳門唯一行兩層車嘅全天候大橋）。重有蓮花大橋，由路、氹兩島間嘅小海峽填海而成嘅路氹城同埋珠海市橫琴島，係第二個連接中國大陸嘅口岸。東面離香港60公里，好天嘅時候可以隔住珠江口望倒香港大嶼山；計劃緊嘅港珠澳大橋一篤會駁去澳門東北角嘅東方明珠。
澳門除咗內港碼頭同埋喺新口岸嘅港澳碼頭之外，喺1995年11月，位於澳門氹仔東側嘅澳門國際機場正式營運，據機場資料顯示：澳門國際機場2005年全年客運量為425萬高峰人次，特區政府會斥資60億澳門元填海擴建用來增加客運量，機場主要與內地城市同埋亞洲主要城市有航班往來。
澳門已經喺2005年10月底舉辦完第四屆東亞運動會，其中主場館「澳門蛋」喺2005年7月開幕。除此以外，澳門多個建設亦紛紛動工或者已經落成，好似已經開幕嘅漁人碼頭、科學館（起緊）、「澳門蛋」隔籬嘅 Hello Kitty Land 主題公園同埋酒店等旅遊設施。

資料來源: http://zh-yue.wikipedia.org/wiki/%E6%BE%B3%E9%96%80