鶴山

SG2E 黃軒　22號

鶴山喺中國廣東，家下係江門市下便一個縣級市，叫鶴山市。舊時鶴山係個縣，叫鶴山縣。大清時歸肇慶府管。
因為家下江門市下管舊時五個縣，所以鶴山加埋四邑，即係台山、新會、開平同恩平，就叫五邑。

1731年，大清雍正九年，將廣州府新會縣大官田劃出來做鶴山縣，重加埋開平縣部份地。因為縣城有鶴山，所以就咁叫[1]。
大清鶴山有雙橋、藥徑兩巡司[1]。
1958年，高明同鶴山合併做高鶴縣。1981年12月7號，國務院批准撤銷高鶴縣，恢復高明同鶴山兩縣。1993年，鶴山縣改為縣級市，叫鶴山市。